Padayon ang kampanya sang Provincial Veterinary Office-Iloilo (PVO) sa pagpakunhod sang kaso sang rabies sa probinsya paagi sa outreach activities upod sa mga LGUs.
Sang October 7, naghiwat ang PVO sang pet ownership advocacy event sa banwa sang Carles, diin ginpabugal nila ang kaimportante sang pet vaccination kag proper animal care agud malikawan ang paglapta sang rabies.
Sang October 8, nagpatigayon man sila sang neutering (kapon) sa New Lucena upod ang Municipal Agriculture Office. 18 ka mga pets ang ginpangkapon sa nasambit nga aktibidad.
Samtang, naghiwat man sila sang libre nga consultation kag neutering services sa Passi City sang October 10.
Ini nga mga aktibidad kabahin sang programa sang PVO nga nagatuon sa pag-promote sang responsible pet ownership kag pagpukan sang rabies sa Iloilo.
#HiligayNews
