Gintawag ni former Iloilo City Councilor Plaridel Nava nga mga ‘suplada’ sanday former Iloilo City Lone District Rep. Julienne “Jam-Jam” Baronda kag former Mayor Jed Patrick Mabilog kasunod sang ila pagkit-anay sa Sandiganbayan.
Ini nga insidente natabo sa arraignment sang kaso ni Mabilog, nga ginsundan sang masakit nga buot sang duha batok kay Nava. Suno kay Nava sa iya interview, wala na siya mahimo bangud sa negatibo nga pagtamod sang duha sa iya.
Ginpahayag pa ni Nava nga ginahulat niya ang padayon sang arraignment sa masunod nga bulan, kag base sa iya ginsaysay, wala gid sila nagsinambitay ni Mabilog sang nag-abot ini sa korte. Nagatulokay lang sila apang wala sang pagbugno.
Sa masunod nga arraignment, indi na sila magkit-anay kay Mabilog kag Baronda bangud naka-schedule ini sa Nobyembre 22, 2024, kasunod sang pag-postpone subong nga adlaw.
Kon balikan, sang tuig 2015 ginpasaka nanday Nava kag anay Iloilo Provincial Administrator Manuel Mejorada ang kaso nga grave misconduct, dishonesty, kag conduct prejudicial to the best interest of the service. Ini nga kaso natuhoy sa paghatag sang Iloilo City government sang kontrata sa 3L Towing Services nga wala nag-agi sa public bidding.
Sa subong nga arraignment, yara sa likod nanday Mabilog kag Baronda si Nava nga nagapungko kag nagatan-aw sa ila.
#HiligayNews
