Gin-rebuffed ni Presidente Ferdinand Marcos Jr. ang mga kritisismo nga ginahimo lang daw nga “talk shop” ang Association of Southeast Asian Nations (ASEAN), samtang ginpabutyag niya ang iya pagsalig nga may daku ini nga papel sa pagpanalipod sang kalinong kag seguridad sa nagatalana nga bangga sa South China Sea.
Ang Pilipinas upod ang Indonesia, Malaysia, Brunei, kag Vietnam, pareho nga may mga pag-angkon sa ini nga kadagatan nga ginahingyo man sang China.
“Well, una sa tanan, indi ako magpati nga ini nga ASEAN isa lang ka talk shop. Pero bisan pa kun amo man ina, mas maayo nga nagahambal kita kaysa maglantaw nga magpatuhaw ang giyera,” suno kay Marcos sang iya pag-isturya sa “Kapihan sa Laos” sang Oktubre 11.
Nagpahayag si Marcos sang mabakod nga deklarasyon kontra sa maritime activities sang China sa Philippine-claimed territories sang South China Sea, sa atubangan ni Chinese Premiere Li Qiang sa 44th kag 45th ASEAN Summit.
Gin-insistir niya nga dapat klaro nga ma-ehersisyo sang Pilipinas ang iya mga katungdanan sa iya mga teritoryo.
Ginpahayag man ni Marcos nga importante nga i-update ang ASEAN member-states bahin sa sitwasyon sa South China Sea bangud indi ini ila adlaw-adlaw nga ginapangaluyahan.
Nagpasalamat ang Presidente sa mga offer sang iban nga mga nasud nga magbulig pinaagi sa pagpahimo sang discussions, pagpadala sang mga vessels, kag pagpatigayon sang joint operations.
Suno kay Marcos, ang iya mga ginpahayag indi lang limitado sa isyu sang South China Sea kundi nagaapekto man sa mga madamo pa nga isyu pareho sang climate change, renewable energy, kag gender equality.
Kinahanglan, suno sa Presidente, nga ini nga mga isyu magadulong sang madinalag-on nga mga paghiliusa para sa tunay nga kauswagan.
#HiligayNews
