ILOILO CITY – Ang Department of Health (DOH) sa Western Visayas nagahingyo sa mga naga-experiensya sang depresyon kag iban pa nga mental health issues nga magtawag sa ila crisis hotlines para sa giya kag suporta, agud malikawan ang pagpakasakit sa kaugalingon.
Sukad sang paglunsar sang 24/7 crisis hotlines sang DOH’s National Center for Mental Health (NCMH) sang Mayo 2, 2019, naka-rekord ini sang 83,655 nga tawag sa bug-os nga nasud tubtob Agosto 31, 2024. Sa sining ihap, 1,468 ka tawag ang nagikan sa Western Visayas.
Base sa datos sang NCMH, 25,775 ka tawag ang may kaangtanan sa pagpakamatay.
Nagkalain-lain ang rason sang mga tawag, lakip na ang mga sintomas sang pagkabalaka kag depresyon, problema sa relasyon, isyu sa pamilya, mga kahangawa sa trabaho, presyur sa eskwelahan, mga psychotic symptoms, kag diagnosed depression.
Ang crisis hotline naga-assess sang tagsa ka tawag kag gina-refer ang mga tawo sa husto nga serbisyo, pareho sang emergency rooms, telemental health, ukon outpatient services, depende sa sitwasyon.
Ang pag-establisar sang crisis hotlines angut sa Republic Act 11036, nga kilala man bilang Mental Health Act, labi na ang Section 21 nga nagatutok sa suicide prevention. Ang balaud nagamando sang pag-ubra sang 24/7 hotlines para magbulig sa mga may mental health conditions, labi na ang mga may risgo sa pagpakamatay.
Kasubong sang crisis hotline, ang NCMH naga-oferta man sang lain-lain nga serbisyo para sa suicide prevention, lakip na ang mental health awareness webinars, telemental health response, kag psychiatric emergency sections.
Ari ang breakdown sang mga tawag nga na-rekord sang NCMH crisis hotlines halin 2019 tubtob 2024:
- 2019 – 3,129 ka tawag (325 suicide-related)
- 2020 – 11,031 ka tawag (1,382 suicide-related)
- 2021 – 21,473 ka tawag (7,617 suicide-related)
- 2022 – 16,538 ka tawag (6,037 suicide-related)
- 2023 – 16,538 ka tawag (6,037 suicide-related)
- 2024 (tubtob Agosto) – 13,473 ka tawag (3,561 suicide-related)
Ang mga rehiyon nga may pinakamataas nga ihap sang tawag amo ang: National Capital Region (36,747), Region IV-A (17,790), Region III (9,010 ka tawag), Region VII (2,108 ka tawag), kag Region I (1,805 ka tawag).
Nagapang-7 ang Western Visayas nga may total nga 1,468 ka tawag sa hotlines sa amu nga periodo.
Ang mga hotlines sang DOH Region 6 kag iban pa nga mga Provincial Health Offices naga-offer sang mga serbisyo pareho sang psychosocial support, psychological first aid, counseling, referrals, kag health education, kag iban pa.
Ari ang mga numero: GLOBE: 09177759256; SMART: 09985324047.
Ang Western Visayas Medical Center sa Mandurriao, Iloilo City may Mental Health Connect Hotline man: 09310251276.
Para sa mga probinsya:
- Iloilo Provincial Health kag Social Welfare and Development Offices (PRIME) – SMART: 09985396704; 09465397929; kag GLOBE: 09155426885; 09771220327
- Aklan Provincial Health Office – SMART: 09705999734
- Antique Provincial Health Office – GLOBE: 09661665255; kag SMART: 09283418475
- Capiz Provincial Health Office – GLOBE: 09162411596; kag SMART: 09219912064
- Iloilo City Health Office – Landline: (033) 315-3012 kag Facebook Page: https://www.facebook.com/iloilomhpss
Samtang, ang hotlines sang NCMH nga bukas 24/7 amo ang masunod:
- Dial 1553 ukon 1800-1888-1553 para sa SMART / TNT kag prepaid subscribers
- GLOBE / TM – 09663514518; 09178998727; kag 0917899-USAP
- SMART/TNT – 09190571553
#HiligayNews
