Sa ulihi nga minuto sang katapusan nga adlaw sang pag-file sang Certificate of Candidacy kahapon, Oktubre 8, 2024, wala na nagbalik sa iya posisyon si New Lucena, Iloilo Mayor Liecel Mondejar-Seville.
Sa baylo nga magpadalagan liwat bilang alkalde, ginpili ni Mondejar-Seville nga magpadalagan subong Sanguniang Bayan Member.
Suno sa alkalde, ang magabulos sa iya puwesto amo ang iya hinablos nga si incumbent SB Member Atty. Carl Mondejar. Luyag ni Mayor Seville nga mahatagan sang tion ang iya hinablos nga magpangalagad sa banwa.
Nagapati siya nga may kapasidad kag ikasarang si Atty. Mondejar nga magserbisyo sa mga pumuluyo sang New Lucena. Si Atty. Mondejar isa ka certified public accountant kag nakatapos na sang isa ka termino bilang SB Member.
Sa pihak sini, si Seville nagserbisyo bilang alkalde sang banwa sulod sang 9 katuig kag may duha pa ka termino nga ginbilin humalin 2019 tubtub 2025.
#HiligayNews
