Bukas si Iloilo Governor Arthur Defensor, Jr. sa posibilidad nga mag-expand ang MORE Electric and Power Corporation sa probinsya sang Iloilo.
Sa isa ka interview, ginpahayag ni Governor Defensor nga open ang probinsya sa pagbaton sang ano man nga power utilities ukon mga players nga magabulig sa pagsulbar sang mga isyu sa kuryente kag magahatag sang mas maayo nga serbisyo sa mga konsumidor.
Suno kay Defensor, importante gid ang may yara sang mga parameter ang probinsya agud maseguro nga protektado ang interes sang mga pumuluyo. Iya gintumod nga ang kooperatiba ukon utility nga makahatag sang matalunsay kag masaligan nga power supply ang mangin daku nga benepisyo para sa Iloilo.
Gin-athag man sang gobernador nga kon mas manubo ang presyo kag mas epektibo ang serbisyo nga ihatag sang isa ka electric cooperative, mas makabulig ini sa mga Ilonggo.
Sa pihak sang tanan, ginpasiguro ni Defensor nga ang mga negosasyon ukon mga plano para sa paghatag sang kuryente sa probinsya mangin maayong resulta para sa publiko, kag ini ang ginalauman nga makahatag sang dugang nga kasolhayan sa mga konsumidor.
#HiligayNews
