Nagapati si Iloilo Governor Arthur Defensor, Jr. nga mangin mabaskog nga kandidato si Anilao Mayor Lee Ann Debuque samtang nagapalapit ang 2025 midterm elections.
Ini ang ginpahayag sang gobernador matapos ang pagbisita sang mga pulitiko sa ila balay sa Mina, Iloilo, kasunod sang desperas sang kapiestahan sang banwa.
Sa isa ka interview, ginpahayag ni Governor Defensor nga madamo na sang mga lideres sa probinsya ang nagpabutyag sang ila suporta kay Debuque.
Suno kay Defensor, nagaumpisa pa lang kag may malawig pa nga tyempo agud makilala sang husto ang iya tandem nga si Debuque.
Nagpanugyan man ang amay sang gobernador, nga si former Iloilo Governor Arthur Defensor, Sr., nga sa kada boto nga makuha sang iya anak, ilakip gid ang pangalan ni Debuque.
Nasiplatan man sa nasambit nga kahiwatan ang magkasumpong sa pagka-alkalde sa banwa sang Miagao nga sanday Vice Mayor Dr. Macario N. Napulan kag incumbent Mayor Richard Garin.
Yara man ang mag-asawa nga sanday Iloilo 2nd District Representative Mike Gorriceta kag ang iya asawa nga si Dr. Kathryn Joyce Fermin-Gorriceta, nga magapili sa congressional seat sa amo nga distrito.
#HiligayNews
