Ginhakwat sang reigning kag walo ka beses nga Most Valuable Player (MVP) nga si June Mar Fajardo ang San Miguel Beermen agud makasulod sa semifinals kag makaatubang si Justin Brownlee kag ang Barangay Ginebra.
Si Fajardo, nga may 40 puntos kag 24 rebounds, amo ang nagpakita sang isa sa iya pinakamaayo nga performance sa iya bug-os nga karera sa Philippine Basketball Association (PBA).
Nagresulta ini sa 109-105 nga kadalag-an sang Beermen batok sa Converge sa do-or-die Game 5 sa quarterfinals sa Governor’s Cup, nga ginpatigayon sa Ynares Center sa Antipolo sang Oktubre 6.
Si CJ Perez nagdugang sang 10 puntos, 9 assists, 6 rebounds, kag 2 steals para sa San Miguel, nga nag-abanse sa semis sa ika-anum nga sunod-sunod nga conference.
Ginapaabot na ang una nga semifinal match sa tunga nanday Brownlee kag Fajardo kag ila mga teams sa Myerkules, Oktubre 9, alas 5:00 sa hapon.
#HiligayNews
