Ginpanginwala ni Senator Ronald “Bato” Dela Rosa nga may ihibalo siya sa ginpahayag nga may “reward system” sa pagpatay sang drug suspects sa nagligad nga administrasyon.
“I have no idea about that reward system,” suno kay Dela Rosa bilang sabat sa mga pahayag ni former Philippine Charity Sweepstakes Office general manager Royina Garma.
Sang nagligad nga Byernes, ginpahayag ni Garma sa House inquiry nga ginsugo siya ni former President Rodrigo Duterte nga magpangita sang opisyal nga magpatuman sang Davao model.
“This Davao Model referred to the system involving payments and rewards,” suno kay Garma.
Ginpanindugan ni Dela Rosa nga indi siya maka-speculate sa mga pahayag sang anay PCSO official.
“During my time as the chief PNP, I did not engage in a reward system because I had no funds for that. The only reward system in the pop is the DILG-approved list of the most wanted persons,” suno kay Dela Rosa.
“I did not believe in such a system because it is a sworn duty of every policeman to keep his area of responsibility free from drugs,” dugang pa niya.
Ginpahayag ni Garma nga ang Davao model nagalakip sang tatlo ka lebel sang bayad kag rewards. Ang reward system amo nga kon may suspect nga mapatay, ikaduha ang pondo para sa planned operations (COPLANS), kag ikatatlo ang refund sang operational expenses.
Ang cash reward ang ginpahayag nga yara sa P20,000 tubtob P1 million.
Ginmitlang man ni Garma ang mga ngalan nanday Senator Christopher “Bong” Go kag National Police Commission Commissioner Edilberto Leonardo nga lakip sa mga involved sa pagpatuman sang kampanya.
#HiligayNews
