Ginkumpirmar sang Iloilo Provincial Health Office (IPHO) nga negatibo ang lima ka ginasuspetsuhan nga kaso sang Mpox ukon monkeypox sa probinsya sang Iloilo. Ini nga mga kaso ginsulod sa Research Institute for Tropical Medicine (RITM) sa Metro Manila para sa confirmatory tests.
Suno kay Dr. Rodney Labis, ang Chief sang IPHO, sa subong nga tuig 2024, wala na sang may gin-report nga kaso sang mpox sa probinsya. Ginsaysay niya nga may yara sang mga pasyente nga nagtakop sa depinisyon sang mpox, rason nga ila ginpadala ang specimens para ma-confirmar.
Apang, nangin negatibo ang resulta sang mga ginhiwat nga tests. Bisan pa sini, nagpanugyan ang IPHO nga magpabilin nga mabinantayon ang publiko. Padayon ang Provincial Epidemiology and Surveillance Unit (PESU), Municipal Health Offices (MHOs), kag mga lokal nga ospital sa disease surveillance agud matubang gilayon kag mapunggan ang paglapta sang nasambit nga masakit.
Sa idalom sang Sanitation Code of the Philippines kag sa Department of Health (DOH), ginamandu nga ang mga pasyente nga napatay bangud sa mpox dapat ilubong sa sulod sang 12 ka oras nga wala gin-ebalm ukon gin-cremate. Kinahanglan man nga ang paglubong himuon sa gin-aprobahan nga lulubngan.
Ginpahayag sang DOH nga ang mga simple nga pamaagi sa pagpugong sang mpox amo ang respiratory etiquette, proper ventilation, pag-anginaw, paggamit sang alcohol-based sanitizers, kag paglikaw sa mga tawo nga may sintomas sang mpox.
#HiligayNews
