Gina-propose sang Iloilo City Health Office (CHO) ang P7,040,000 nga budget sa Iloilo City Council para sa pagdeklara sang state of calamity bangud sa pagdamo sang kaso sang dengue sa syudad.
Sa interview, ginpahayag ni Dr. Annabelle Tang, ang Head sang Iloilo City Health Office, nga ang proposed nga pondo magagamit sa pag-procure sang mga testing kits kag supplies. Ang pondo ibakal man para sa mga misting equipment kag mga bulong batok sa lamok nga ipangatag sa tagsa ka barangay sa Iloilo City.
Ginhangpan man ni Tang nga ang target sang ila opisina amo ang mapadasig nga mapanubo ang mga nagpositibo sa dengue. Anya, ginalantaw na sang ila talatapan ang dengue outbreak antes ginrekomenda sang City Disaster Risk Reduction and Management Council ang pagdeklarar sang state of calamity.
Natalana nga iplastar bwas ang breakdown kung paano pagagamiton ang nasambit nga pondo. Sa pinakabag-o nga record sang City Health Office, sugod sang Enero tubtob Agosto 27, 2024, naglab-ot na sa 903 ang kaso sang dengue, nga nagresulta sa apat ka napatay.
#HiligayNews
