Naglab-ot sa kapin 600 ka tawo ang napatay sa sulod lang sang pila ka oras matapos ginpangluthang sang mga militante nga may koneksyon sa Al-Qaeda nga nag-atake sa banwa sa Burkina Faso, suno sa assessment sang French government security.
Ang insidente natabo sa Barsalogho kag ginakabig nga pinakamakamamatay nga isa ka atake sa Africa sa subong nga dekada. Kalabanan sa mga napatay amo ang mga babaye kag kabataan, nga wala sang pangapin batok sa brutal nga pag-atake.
Suno sa mga ulat, ang iban nga biktima nagpakuno-kuno na nga patay agud makalikaw sa kalamidad, apang ginpangluthang pa gid sa gihapon sang mga armadong militante.
Ang nasambit nga insidente nagadugang sa pagpalala sang seguridad nga krisis sa nasambit nga pungsod.
#HiligayNews
